O Kit Coding Set (Matatalab) de allKnow é unha ferramenta sinxela e divertida para introducirse na programación sen necesidade de pantallas. A continuación, te explicamos como utilizalo paso a paso.
1. Que atopamos na caixa do Coding Set?
Na caixa do kit atoparás:
- Un robot MatataBot.
- Unha torre de control.
- Un taboleiro de programación.
- Un conxunto de fichas de comandos (movemento, repeticións, funcións, música, etc.).
2. Como facemos a vinculación entre o robot e a torre?
Para iniciar o robot e establecer a conexión coa torre de control, segue estes pasos:
- Coloca a torre de control na súa posición sobre a plataforma do taboleiro. O lector (a parte redonda e laranxa que sobresae) debe estar orientado cara adiante.
- Encende tanto o robot como a torre premendo os seus botóns ao mesmo tempo.
- Se a conexión non se realiza correctamente, mantén premido o botón da torre durante uns 5 segundos ata que vexas que intenta reconectarse.
- Cando a luz azul da torre quede fixa e non emita sons, significa que están correctamente conectados.
3. Como programar secuencias co Coding Set.
O Kit inclúe varias fichas que permiten programar movementos e accións do robot. Estas fichas están clasificadas por cores:
- Verdes: Indican movementos básicos como avanzar, retroceder ou xirar á esquerda e á dereita.
- Azuis: Pequenas fichas que se colocan debaixo das verdes para indicar cantas veces se repite unha acción (valores do 2 ao 5, ademais dun dado para repeticións aleatorias).
- Amarelas: Fichas de funcións para simplificar secuencias de código. A ficha que pon "Fn" con círculo inicia unha función, e a que só pon "Fn" péchaa.
- Moradas: Comandos especiais como música, baile ou movementos rápidos.
4. Como programar bucles co Coding Set.
Os bucles permiten repetir accións varias veces sen necesidade de colocar múltiples fichas. Para facelo:
- Coloca unha ficha de movemento verde (avanzar, xirar, etc.).
- Engade debaixo unha ficha azul co número de repeticións desexado (2, 3, 4 ou 5 veces, ou o dado aleatorio).
- Executa o programa e observa como o robot repite a acción programada.
5. Como programar funcións co coding Set.
As funcións permiten reutilizar conxuntos de accións, reducindo a cantidade de fichas necesarias. Para utilizalas:
- Coloca unha ficha "Fn" con círculo para iniciar unha función.
- Engade dentro dela as fichas de movemento ou accións que queres agrupar.
- Finaliza cunha ficha "Fn" sen círculo.
6. Para que utilizo as fichas moradas? (música, baile e movemento).
As fichas moradas engaden accións especiais ao robot, como:
- Música: O robot emite sons e melodías predefinidas.
- Baile: O robot realiza secuencias de movemento específicas.
- Movemento rápido: Executa accións de forma acelerada.
- Podes combinar estas fichas coas demais para crear programas divertidos e dinámicos!
Ningún comentario:
Publicar un comentario