luns, 4 de xaneiro de 2021

Robótica (Profundización). 3º ESO. Curso 2020-2021.


Durante a 2ª avaliación nos dedicaremos a profundizar no coñecemento e programación do robot Mbot Ranger, para posteriormente realizar programas "segueliñas" para o Mbot Ranger e "Labirinto" para os mClon (podes visitar a páxina dos creadores do mClon premendo na seguinte ligazón: Tecnoloxía.org e atoparás información moi interesante na ligazón resolver un labirinto de Tecnoloxía.org).

De seguido tedes ligazóns aos pdf's que vós permitirán profundizar no coñecemento e uso dos motores e dos sensores externos do Mbot Ranger, así como vos proporcionarán información de interese sobre os programas "Segueliñas" e "Labirinto":
Ademais, durante a 2ª avaliación traballaremos os contidos de Introdución á Electricidade e Electrónica, que nos permitirán coñecer máis a fondo como funcionan os diversos sensores e actuadores e como medir as súas principais variables eléctricas (V, I e R) coa axuda do polímetro.

Metroloxía. 2º ESO. Curso 2020-2021

O 1º contido teórico-práctico da 2ª avaliación será o de Metróloxía, que se centra en coñecer o uso do Calibre e do Micrómetro.

Unha ferramenta imprescindible no taller é o Calibre ou Pé de Rei.

Esta ferramenta nos permite realizar medidas con precisións de décimas de milímetro, tanto de exteriores de pezas, como de interiores ou de profundidade, todas elas moi habituais ao realizar vaciados e furados de obxectos.
Os contidos sobre o Calibre podes atopalos no seguinte pdf: Metroloxía.pdf, e debes pasalos ao teu caderno na sección de Taller.

O Calibre é unha ferramenta máis que suficiente para as medidas habituais no noso taller, pero cando se necesita tomar medidas aínda máis precisas, se pode utilizar outra ferramenta chamada Micrómetro ou Palmer.

O Micrómetro (contido obtido de Wikipedia), permite tomar medidas con gran precisión, nun rango da orde de centésimas ou de milésimas de milímetro (0,01 mm e 0,001 mm, respectivamente).
  1. Corpo: Constitúe a armazón do micrómetro.
  2. Tope: Determina o punto cero da medida.
  3. Espiga: Elemento móbil que determina a lectura do micrómetro.
  4. Panca de fixación: Que permite bloquear o desprazamento da espiga.
  5. Trinquete: Limita a forza exercida ao realizar a medición.
  6. Tambor móbil: Solidario á espiga, na que está gravada a escala móbil de 50 divisións.
  7. Tambor fixo: Solidario ao corpo, onde está gravada a escala fixa de 0 a 25 mm.
Os  contidos sobre o Micrómetro podes atopalos no seguinte pdf: Metroloxía2.pdf.

Proxectos de Tecnoloxía. 2º ESO. Curso 2020-2021.

Comezamos a 2ª avaliación cos proxectos introdutorios xa rematados, os cales nos permitiron coñecer algunhas das ferramentas da aula-taller de Tecnoloxía e como utilizalas.

Durante esta avaliación, ides a construír os vosos proxectos seguindo as 6 fases do proxecto tecnolóxico:

O 1º paso é "Identificar o problema", que para vós consistirá en decidir que queredes realizar (como xa sabedes tedes exemplos de proxectos de cursos anteriores, pero tamén tedes moita información e exemplos en internet, ademais de que poidades ter unha idea orixinal que queirades realizar).
Nun 2º paso "Explorar as diversas ideas" podedes propoñer modificacións ao proxecto orixinal, que non ten por que seguir un plano "ao pé da letra".
E no 3º paso "Planificación", podedes buscar no almacén do taller o material que necesitaredes, para pasar ao 4º paso "Construír o obxecto".

Para axudarvos na realización do voso proxecto podedes descargar os seguintes documentos:
  • Diario do proxecto.pdf, que podedes usar para indicar os prazos de realización de cada fase, xunto cos datos máis relevantes sobre elas.
  • Diario de taller.pdf, onde teredes que recoller as diversas operacións realizadas, quen as realizou e as ferramentas e material utilizado, como paso previo para a elaboración da Memoria do proxecto.
Animádevos a ser creativos, de seguido podedes ver un fragmento do programa nº 89 de Redes de TVE, sobre a creatividade:

Os que tedes pendente de recuperar o exame de teoría da 1ª avaliación, teredes que ir pasando ao voso caderno os boletíns de repaso, antes de facer o exame de recuperación.
De seguido tedes as ligazóns aos boletíns de repaso en formato pdf:
Os proxectos elixidos en 2º A foron:

De seguido tedes as ligazóns aos planos de construción en formato PDF:
Os proxectos elixidos en 2º B foron:

De seguido tedes as ligazóns aos planos de construción en formato PDF:
Durante a elaboración do proxecto cada grupo deberá completar os diarios do proxecto e de taller, o que lles permitirá redactar a Memoria do proxecto (Preme para descargala en formato .pdf ou .odt Memoria.pdf ou Memoria.odt).

martes, 20 de outubro de 2020

Tema: Estruturas. 2º ESO. Curso 2020-2021.


O segundo tema da materia de Tecnoloxía de 2º de ESO trata sobre as Estruturas.
Como un paso previo ao traballo en Taller, debemos coñecer os elementos que conforman as estruturas e os esforzos aos que se ven sometidos, ademais dos elementos que aumentan a súa resistencia.

Premede na seguinte ligazón para acceder ao documento en formato PDF que contén o tema: Estruturas.pdf.

Os exercicios que faremos ao final do tema están recollidos no seguinte pdf: Exercicios Estruturas.

Para completar a información sobre o tema, contamos coas seguintes ligazóns:

Vídeos sobre elementos simples dunha estrutura.

Exemplos de estruturas:

Superestruturas.

Estabilidade das estruturas. Centro de gravidade (centro de masas).

Esforzos aos que se ven sometidos as estruturas.

Nota: O 7 de Novembro de 1940, sobre as 11:00 da mañá, a ponte de Tacoma (Estado de Washington en EEUU) caeu debido ás vibracións inducidas por un vento lateral duns 65 Km/h. A ponte levaba unicamente uns poucos meses aberta ao tráfico, tiña unha lonxitude de 1600 metros e unha distancia entre piares (luz) de 850 m (era a 3ª máis grande do mundo na súa época).

xoves, 8 de outubro de 2020

Iniciación aos kits de robótica Mbot Ranger. 3º ESO. Curso 2020-2021

Durante esta 1ª avaliación, alternaremos o contido teórico-práctico de Mecanismos co contido de iniciación ao kit de robótica Mbot Ranger de Makeblock.

Faremos un repaso ao entorno de programación mBlock, as diversas formas de comunicación e programación do robot Mbot Ranger; descubriremos as súas potencialidades (sensores, actuadores) e incluso a posibilidade de programalo desde a App Makeblock.

De seguido, tes as ligazóns aos pdf's que podes consultar durante esta fase de toma de contacto cos robots Mbot Ranger:
Ademais, podes descargar o excelente Manual de Mbot Ranger de Susana Oubiña, onde poderás ampliar información moi interesante para a 1ª e 2ª avaliacions:
As listas dos grupos de taller para traballar a Robótica quedan así:

luns, 5 de outubro de 2020

Ferramentas do Taller. Proxectos introdutorios. 2º ESO. Curso 2020-2021.

Se premes na seguinte ligazón podes descargar a lista das ferramentas máis utilizadas no noso taller nun curso de 2º de ESO e que debes coñecer: "Lista de ferramentas.pdf"

Podes tamén consultar, cando teñas dúbidas sobre elas, estes 2 pdf recopilatorios das ferramentas:
Na seguinte imaxe tedes un plano do taller de Tecnoloxía, coa disposición dos diferentes espazos de traballo.

O proxecto introdutorioa a realizar durante a 1ª avaliación os elixiremos nos vindeiro días, a elixir entre varios:
Listas dos grupos de taller:

mércores, 9 de setembro de 2020

Matriz ou Rúbrica de avaliación do Caderno. Tecnoloxía 2º e 3º ESO. Curso 2019-2020.

Na materia de Tecnoloxía, na que non temos libro de texto, é moi importante que contes cun bo caderno de clase. É por isto que se lle da tanta importancia ao Caderno para calcular a nota final da materia.

Para avaliar o teu Caderno se utilizarán 2 matrices ou rúbricas de avaliación, que podes consultar de seguido (tenta familiarizarte con elas se queres mellorar as túas notas do caderno).

Por un lado é importante ter un caderno completo, ordenado e lexible, que permita preparar en condicións o exame da materia. Na seguinte imaxe podes ver a matriz ou rúbrica de avaliación do caderno (valorando unicamente a Presentación e o Contido). Contribúe cun 20% á nota da materia na 1ª avaliación.

Por outro, debe recoller tódolos exercicios realizados, prestando especial atención á súa correcta realización como preparación do exame. Nesta outra imaxe podes ver a matriz ou rúbrica de avaliación dos exercicios recollidos no caderno. Contribúe facendo media con outros exercicios nun 30% da nota da materia na 1ª avaliación.

Tema: Mecanismos. 3º ESO. Curso 2020-2021.


Este curso comezaremos polos contidos relacionados cos sistemas mecánicos: Pancas e sistemas de transmisión e transformación do movemento (con engrenaxes e poleas).
Para acceder aos apuntes sobre sistemas mecánicos, podes premer sobre a seguinte ligazón ao documento en formato PDF: Mecanismos.pdf.

Nas seguintes ligazóns podes acceder a máis exercicios sobre mecanismos:

Ampliación:

Introdución á Tecnoloxía. 2º ESO. Curso 2020-2021.

Neste tema imos a introducirnos no mundo da Tecnoloxía:
  • Que é?
  • A súa evolución histórica
  • As partes do proceso tecnolóxico.
Podes ver unha presentación realizada en Genial.ly:

O resumo do tema está no seguinte arquivo pdf: Introdución á Tecnoloxía.pdf.

A imaxe mostra os obxectos en órbita baixa (ata 2000 Km) ao redor da Terra, dos que actualmente se está a realizar seguimento. Aproximadamente o 95% deles, son satélites fora de funcionamento. Fonte NASA.

Ligazón á sección Clipset do diario dixital 20 minutos na que se comenta a páxina web: Stuff in Space, na que se poden seguir en tempo real os satélites e lixo espacial que orbitan ao redor do noso planeta.

Resumo: Evolución histórica da tecnoloxía.

Fases do proceso tecnolóxico

Material extra:

Presentación da materia: Tecnoloxía 3º ESO. Curso 2020-2021.


Nesta entrada podes consultar os contidos principais da materia de Tecnoloxía en 3º de ESO para o curso 2020-2021, así como os criterios de  cualificación.
A materia a podemos dividir en 3 grandes grupos:

O traballo se fará de xeito individual e en grupos.

CRITERIOS DE CUALIFICACIÓN:

1ª Avaliación:
  • Un 20% da nota corresponderá ao caderno, avaliándose a correcta recollida dos apuntes e a súa integridade.
  • Un 50% da nota obterase dos controis e exames teóricos.
  • Un 20% da nota deberase á avaliación dos traballos individuais e en grupo (exames orais e avaliación dos exercicios no caderno e no taller).
  • Un 10% corresponderá á responsabilidade, dilixencia e presentación final das diversas tarefas relacionadas cos contidos tratados en clase.
2ª Avaliación:
  • Un 10% da nota corresponderá ao caderno, avaliándose a correcta recollida dos apuntes e a súa integridade.
  • Un 50% da nota obterase do proxecto: Competición de robótica.
  • Un 30% da nota obterase dos exercicios no taller e dos controis e exames teóricos.
  • Un 10% corresponderá á responsabilidade, dilixencia e presentación final das diversas tarefas relacionadas cos contidos tratados en clase.
3ª Avaliación:
  • Un 60% da nota obterase da avaliación dos exercicios prácticos realizados cos ordenadores da aula de informática sobre os contidos de follas de cálculo.
  • Un 30% da nota obterase dos exercicios de Deseño 3D con TinkerCAD e dos controis e exames teóricos.
  • Un 10% corresponderá á responsabilidade, dilixencia e presentación final das diversas tarefas relacionadas cos contidos tratados en clase.