Robótica. 2º ESO. Curso 2023-2024

Durante a 3ª avaliación, comezaremos co contido de robótica, para o que contamos cos kits de Makeblock Mbot Ranger e Mbot2.

Utilizaremos o entorno de programación mBlock para programar e conectarnos cos robots.

Comezaremos traballando co robot mBot2, podes premer nas seguintes ligazóns para descargar as diversas actividades elaboradas a partir do material orixinal de Makeblock Education:

• Actividade 1 - Movementos.pdf.

Para ampliar información podes descargar os excelentes manuais de Susana Oubiña:

• Divirtiéndome con mBot Ranger.pdf.
• Conociendo a mBot2.pdf.

Programación con Scratch. 1º ESO. Curso 2023-2024

Durante a 3ª avaliación traballaremos os contidos de programación con Scratch.

Introdución a Scratch

Actualmente está dispoñible a versión Web de Scratch 3.0, similar en apariencia ao aplicativo mBlock que se utiliza para programar os robots Mbot Ranger e mBot de Makeblock.

Se queredes rexistrarvos na versión en liña, o primeiro paso a realizar é entrar na páxina de Scratch e rexistrarse (utilizade o voso correo @ieschp.com), de seguido se mostra un vídeo co proceso a seguir (Rexistro na páxina de Scratch):

Pero, podes usar a versión de Scratch 3.0 que está instalada nos ordenadores EDIXGAL. Vai ao menú Aplicativos-Programación e selecciona o programa Scratux.

Ao entrar en Scratch, se premes na opción Titoriais da páxina de Scratch, poderás velos. Podes comezar co denominado Primeiros pasos e comprobar o sinxelo que é programar con Scratch.

No seguinte vídeo podes observar como seguir as instruccións do titorial Primeiros pasos (aínda que o vídeo está en Inglés, este pode subtitularse) (Como seguir as instrucións dun titorial en Scratch):

Agora que xa viches o sinxelo que é crear un programa con Scratch 3.0 seguindo as instrucións dun titorial, podemos continuar a aprender algo máis da programación con Scratch.

Imos a comezar realizando programas baseados nos seguintes titoriais, que podes atopar na páxina de Scratch. Debes estar atento ás tarefas que te chegarán na aula virtual de Classroom, nas que se te pedirán que envíes os teus programas baseados nos seguintes titoriais:

1. Anima un nome.
2. Anima personaxes.
3. Crea unha historia.
4. Crea un xogo de persecución.

Introduce as modificacións que desexes aos sinxelos exemplos indicados e proba a complicalos un pouco (podes engadir bloques de programa que non se explican no titorial e facer os programas tan longos como desexes), ademais para a realización dos teus programas se te solicitará que mires algún outro titorial.

Como resposta ás tarefas que te chegarán por Classroom, debes poder compartir o teu programa. Unha vez rematado e nomeado o programa, debes premer no botón compartir para que os demais podamos velo.

Unha vez que teñas o teu programa compartido, debes enviar a súa ligazón como resposta á tarefa de Classroom que enviará o profesor, podes ver os diferentes pasos a seguir no seguinte vídeo (Compartir o teu programa e enviar a súa ligazón na tarefa de Classroom):

A continuación tes un exemplo de progama de Scratch, publicado e compartido (como incrustado nesta entrada do blogue):

De seguido tes un pdf, sobre a programación en xeral e sobre Scratch en particular: "Programación con Scratch".

Como complemento da 1ª sesión de teoría, no seguinte vídeo podes observar o proceso de fabricación dun microprocesador:

Tamén tes o arquivo coa actividade Representación da información nun ordenador: Introdución á programación.pdf, que realizaremos como actividade inicial do contido de informática.

Para ampliar información sobre os ordenadores, podes premer na ligazón aos seguintes pdf's:

• Como se fabrica un microprocesador.pdf
• O ordenador e os seus compoñentes.pdf
• Evolución dos ordenadores.pdf
• Placa base e conectores externos ordenador.pdf

Introdución ao Deseño 3D con TinkerCAD. 2º ESO. Curso 2023-2024

Durante a 3ª avaliación traballaremos o contido de introdución ao Deseño 3D coa ferramenta "en liña" TinkerCAD.

TinkerCAD é un sinxelo entorno de Deseño 3D que non necesita instalación no teu ordenador, pois se executa desde o navegador.

 Exemplo deseño con TinkerCAD

Para ter unha primeira visión das posibilidades do Deseño e Impresión 3D, podes visualizar a seguinte presentación en Prezi, realizada por César Riádigos:

O primeiro paso a realizar, será unirse á clase creada polo profesor na páxina de TinkerCAD. Para facelo necesitarás o código para unirte á clase e o alias (identificador) que utilizarás nela.

No seguinte vídeo podes ver o proceso a realizar para ingresar na clase creada polo teu profesor na páxina de TinkerCAD (Como unirse á clase en TinkerCAD):

Unha vez te incorpores á clase en TinkerCAD, poderás crear o teu primeiro deseño 3D de proba. Pero antes imos a ver o seguinte titorial da canle josemariafmTIC que nos explicará as principais ferramentas de TinkerCAD:

Introdución á Electricidade. 1º ESO. Curso 2023-2024

Este tema abarca os coñecementos básicos de Electricidade necesarios para a realización dos proxectos de Taller durante a 2ª avaliación e tamén sirven como unha primeira toma de contacto cos coñecementos que necesitaredes en 4º ESO (Electricidade e Electrónica).

Realizaremos a simulación de diversos circuítos eléctricos sinxelos co programa gratuíto Crocodile Clips, que podedes descargar no voso ordenador premendo na anterior ligazón.

Nos seguintes documentos tes toda a información que trataremos neste tema:

• Contidos introdutorios á Electricidade: "Iniciación á Electricidade.pdf".
• Símbolos eléctricos básicos: "Símbolos eléctricos.pdf".
• Simulación de circuítos eléctricos con Crocodile Clips: "Introdución a Crocodile Clips".

Podes ampliar os teus coñecementos sobre o apasionante mundo da Electricidade, premendo na seguinte ligazón sobre Historia da Electricidade en Wikipedia.

Uso do Calibre. 1º ESO. Curso 2023-2024.

Imos a coñecer unha ferramenta de medición moi utilizada no taller para obter medidas de precisións superiores ao milímetro, o Calibre ou Pé de Rei.

Esta ferramenta nos permite realizar medidas con precisión de décimas de milímetro, tanto de exteriores de pezas, como de interiores e de profundidades. Todas estas medidas son moi habituais ao realizar vaciados e furados de obxectos.

Os contidos sobre o Calibre podes atopalos no seguinte pdf: O Calibre.

Profundización no deseño 2D con LibreCAD. 2º ESO. Curso 2023-2024.

Neste contido imos a profundizar no coñecemento e uso de LibreCAD, o cal nos permitirá deseñar os planos de construción e traballo dos nosos proxectos de Taller.

Comezaremos realizando exercicios sobre as escalas dos debuxos. Tedes unha breve teoría sobre escalas no seguinte pdf: Debuxos a Escala.

Realizaremos 2 exercicios en LibreCAD referidos ás escalas, que aparecen detallados no seguinte pdf: Exercicios Escalas.

Para a realización dos exercicios necesitarás descargar ademais os seguintes arquivos:

1º Exercicio (Escala de ampliación): Debuxo ampliado dunha peza de taller (E 2:1).

• Peza orixinal.pdf
• Resultado final peza.pdf
• Peza ampliada baleira.dxf

Debes realizar o exercicio no arquivo .dxf e gardalo co nome Peza ampliada_Nome.dxf.

Posteriormente terás que mandar o arquivo á aula virtual para a súa avaliación polo profesor.

2º Exercicio (Escala de redución): Debuxo reducido dun campo de fútbol sala (E 1:200).

• Medidas campo.pdf
• Resultado final campo.pdf
• Campo futbol sala baleiro.dxf

Debes realizar o exercicio no arquivo .dxf e gardalo co nome Campo futbol sala_Nome.dxf.

3º Exercicio: Deseño dun sistema de engrenaxes.

Como último exercicio, relacionado coa montaxe de sistemas de transmisión, se proporcionan deseños realizados en LibreCAD de diversos engrenaxes, para que se inclúan nun único arquivo .dxf onde debes montar un sistema de transmisión. O obxectivo é colocar adecuadamente os compoñentes dun sistema de engrenaxe, obter as medidas de distancia entre os diversos compoñentes e deseñar unha base para a súa montaxe.

Esta práctica se corresponde cos traballos realizados cos proxectos introdutorios e permitiría realizar todo o proceso de construción dun sistema de engrenaxes coas máquinas do taller (cortadora láser Mr.BeamII) e nun futuro coas impresoras 3D (previo deseño dos compoñentes en 3D co aplicativo FreeCAD). Aquí tes a ligazón ao arquivo pdf que describe a práctica: Exercicio sistema de transimisión.

De seguido tedes as ligazóns aos arquivos cos engrenaxes que formarán parte do sistema de transmisión:

• Engrenaxe 10d 1mm.dxf
• Engrenaxe 40d 8mm.dxf
• Engrenaxe 100d 8mm.dxf
• Engrenaxe 10d 8mm.dxf

Tamén podedes consultar o seguinte pdf con unha posible solución: Sistema de engrenaxes solución.pdf

Por último, tedes a ligazón ao arquivo .dxf onde debedes traballar: Sistema de transmisión baleiro.dxf

Recorda que ao profesor debes enviarlle o arquivo: Sistema de transmisión_Nome.dxf

Formas comerciais da madeira. 1º ESO. Curso 2023-2024

Neste apartado, repasaremos as principais características da madeira e as diversas formas comerciais nas que se presenta no Taller de Tecnoloxía para a construción dos proxectos.

Preme na seguinte ligazón para acceder ao documento en formato pdf que contén este contido: "A madeira".

Nas seguintes imaxes, podes observar as orixes e usos de varias madeiras naturais (divididas en duras e brandas).

Introdución ao Deseño 2D con LibreCAD. 2º ESO. Curso 2023-2024

O LibreCAD é un programa de debuxo vectorial. A diferenza doutros programas como Paint ou Gimp, os debuxos non están compostos por puntos (bitmap), senón por elementos vectoriais.

Os debuxos vectoriais non perden resolución nin se pixelan ao ser ampliados, porque os parámetros introducidos na definición do elemento vectorial permiten redebuxalo despois de aplicar a transformación, polo que son ideais para o deseño de planos.

Durante a realización dos proxectos de Tecnoloxía comprobarías que unha axuda moi grande é contar con debuxos explicativos das pezas a construir e do proxecto a realizar nos planos de construción.

Unha ferramenta de deseño 2D que podes utilizar para realizar os teus propios deseños e debuxos para os teus planos é LibreCAD. Este é un aplicativo gratuíto e multiplataforma (hai versións para Linux, MacOS e Windows).

Ademais, como no taller contamos cunha gravadora-cortadora Láser (Mr Beam II) que pode gravar ou recortar, en taboleiros de contrachapado, os nosos deseños, podremos deseñar as nosas pezas, debuxos ou texto no aplicativo LibreCAD e levalos despois á Mr Beam II.

De seguido tedes a ligazón a un vídeo titorial de introdución a LibreCAD, realizado por Rafael Quintero:

Tamén podes descargar os seguintes pdfs con indicacións básicas de uso e configuración de LibreCAD:

• Introdución a LibreCAD.
• Ferramentas de debuxo en LibreCAD.

Arquivos LibreCAD necesarios para realizar os exercicios do tema:

• A4 vertical baleiro.dxf
• 1. Trazados básicos.dxf
• 2. Tangram.dxf
• 3. Figuras.dxf
  
  

De seguido, tedes a ligazón ás instrucións para realizar cada un dos exercicios:

• Instruccións 2. Tangram.pdf
• Instruccións 3. Figuras.pdf

Mecanismos. 2º ESO. Curso 2023-2024

Este curso o contido teórico principal son os Mecanismos: Pancas e sistemas de transmisión e transformación do movemento.

O primeiro contido que veremos será o de Pancas, que tes resumido no pdf: As Pancas.

O seguinte contido é o de Poleas e Polipastos: Poleas e Polipastos.pdf.

De seguido, tes o contido de Sistemas de transmisión do movemento: Sistemas de transmisión.pdf.

Ampliación:

• Diferenza entre Peso e Masa.pdf
• Máis exemplos de Pancas.pdf
• Exercicios extra Sistemas de transmisión do movemento.pdf
• Outros sistemas de transmisión do movemento.pdf
• Sistemas de transformación do movemento.pdf

Acceso ás contas de Google e EVA. 1º ESO. Curso 2023-2024

Nesta sección tedes unha recompilación da información que podedes necesitar para entrar desde os vosos ordenadores no EVA (Entorno Virtual de Aprendizaxe) ou para usar tódalas posibilidades da vosa conta de Google (conta xestionada polo instituto, @ieschp.com).

Acceso á páxina de Google.es (para poder iniciar sesión na vosa conta de Google): Google.

Acceso a EVA: EVA.