mércores, 19 de maio de 2021

Procesado de textos con Writer de LibreOffice. 2º ESO. Curso 2020-2021.


Uso do procesador de texto Writer, da suite ofimática LibreOffice.org.

O seguinte contido de informática é o uso do procesador de textos Writer, da suite ofimática LibreOffice. As instrucións que necesitarás, están recollidas no documento: "Procesado de textos con Writer.pdf"

No documento "Procesado de textos con Writer.pdf", se explica como realizar un traballo de clase cuxo obxectivo final é entregar un pdf, que debe imitar o modelo que se mostra de seguido: Modelo Traballo.pdf.

Como 1ª tarefa en Classroom, debedes entregar a vosa versión do modelo anterior, chamándoo Modelo_Traballo_Nome.pdf.

Para axudarvos na elaboración desta tarefa, contades tamén coa axuda de 3 vídeos explicativos:

No 1º se explica como:
  • Inserir cabeceiras e rodapés.
  • Escribir o texto sen darlle formato.
  • Pasarlle o corrector ortográfico ao texto.
  • Formatar o texto.

No  se explica como:
  • Inserir caracteres especiais.
  • Inserir unha táboa.

No 3º se explica como:
  • Capturar e inserir imaxes.
  • Crear listas de numeración e viñetas.
  • Cambiar a configuración por defecto da páxina.
  • Crear o documento final en formato pdf.

Podes necesitar engadir fórmulas nos teus documentos, para aprender a facelo, temos os exercicios de realización de fórmulas que contén o pdf: "Exercicio Math".

A 2ª tarefa que aparecerá en Classroom, será a realización dun traballo dunha extensión máxima de 2 páxinas sobre Novos materiais.

No documento Novos materiais.pdf están as instrucións que te indicarán como realizar este traballo.

O seguinte vídeo explica como copiar texto e imaxes desde internet sen copiar os seus formatos orixinais da páxina web (Como copiar texto e imaxes aos nosos traballos en Writer):

luns, 17 de maio de 2021

Manexo da folla de Cálculo, Calc, de LibreOffice. 3º ESO. Curso 2020-2021.


Remataremos os contidos de informática, correspondentes á materia de Tecnoloxía de 3º de ESO deste curso, aprendendo a manexar a folla de cálculo da Suitte LibreOfficeCalc.

Os contidos a tratar, así como os exercicios a realizar, os tes neste blogue e na aula virtual en Classroom, no seguinte arquivo pdf:
Ao rematar o exercicio 5, deberás entregar a túa 1ª tarefa en Classroom.

Para a realización do exercicio 6 (factura telefónica), necesitarás descargar o seguinte libro de Calc: "Factura Telefónica.ods".

Ao rematar o exercicio 7, deberás entregar a túa 2ª tarefa en Classroom.

Ao rematar o exercicio 11, deberás entregar a túa 3ª tarefa en Classroom.

De seguido tes unha serie de vídeos que te poden resolver algunhas das dúbidas que poidan ir xurdindo.

Vídeo explicativo: "Poñer bordos de diversos grosores nas celas" (axuda para o exercicio 6).

Vídeo explicativo: "Como calcular as coordenadas dunha parábola" (axuda para o exercicio 10).
Vídeo explicativo: "Creando a gráfica dunha parábola" (axuda para o exercicio 10).

xoves, 6 de maio de 2021

Elección da Mascota da V Competición de Robótica (Curso 2020-2021).

O cartaz anunciador da competición de robótica ten sempre como protagonista unha mascota, deseñada conTinkerCAD, como práctica dos contidos de informática da materia de Tecnoloxía de 3º de ESO.

O vindeiro curso esperamos que teña lugar a V Competición de robótica, que terá un cartaz no que a mascota protagonista é o deseño realizado por Elmo Carballa en TinkerCAD.

Nas seguintes ligazóns, a entradas anteriores deste blogue, se poden observar os cartaces das 4 edicións anteriores: 
De seguido se mostran diversas capturas de pantalla da mascota que se usarán, o vindeiro curso, para o deseño do cartaz da competición: